Их, дээд сургуулийн дипломгүй 10 тэрбумтан

Та ямар ч салбарт амжилт үзүүлэхэд ердөө итгэл, авъяас, тэмүүлэл байхад хангалттай аж. Мэргэжлийн зэрэг, цол, диплом хамаагүй гэдгийг дэлхийн шилдэг 10 тэрбумтан өөрсдийн амьдралаар батлан харууллаа. Гэвч тэд мэргэжлийн зэрэг, цол  хүний цадварыг хурцалж өгдөг гэдгийг огт үгүйсгээгүй байна. Ингээд нүсэр том бизнесийн гүрнийг босгосон дипломгүй 10 тэрбумтан...

10. Michele Ferrero

Michele Ferrero нь “Ferrero Rochers” хэмээх дэлхий дахинд түгсэн шоколадны үйлдвэртэй бөгөөд 19 тэрбумын хөрөнгөтэй аж.

9. Lee Shau Kee

Тэрээр 19 тэрбумын хөрөнгөтэй бөгөөд маш олон их сургуулийн хүндэт доктор цолоор шагнуулж байжээ. Түүнийг Хонг-Конгийн үл хөдлөх хөрөнгийн бизнесийг атгадаг гэж хэлж болно.

8. Liliane Bettencourt

Тэрээр L’Oreal гоо сайханы бүтээгдэхүүн үйлдвэрлэгч компаний үүсгэн байгуулагч бөгөөд 23.5 тэрбумын хөрөнгөтэй аж. 

 

7. Li Ka-shing

Тэрээр 2012 оны байдлаар 25.5 тэрбумын хөрөнгөөр дэлхийн хамгийн баян хүмүүсийн жагсаалтын 9-д, Азийн тэргүүн баянаар тодорчээ. Хонг-Конгод байрлалтай түүний корпорацийг дэлхийн хамгийн том контайнер үйлдвэрлэгч, мөн гоо сайханы болон эрүүл мэндийн бүтээгдэхүүний хамгийн том жижиглэн худалдааг атгадаг гэдгээр нь андахгүй. 

6. Ingvar Kamprad

Тэрээр 17 настайгаасаа бизнес эрхэлж эхэлсэн бөгөөд Шведийн бизнесийн магнат, IKEA компаний үүсгэн байгуулагч юм. Нийт хөрөнгө : 42.4 тэрбум доллар

5. Karl Albrecht

Тэрээр 2-р дайны дараагаар ахтайгаа хамтран Германы супермаркетийн сүлжээ ALDI -г үүсгэн байгуулж бизнесээ өргөжүүлснээр 2012 оны байдлаар 25.4 тэрбумын хөрөнгөөр тэрбумтнуудын жагсаалтын 10-т бичигджээ. 

 

4. Christy Walton

Christy нь Walmart дэлгүүрийн сүлжээний бизнесийг амжилттай авч яваа бизнесмэнүүдийн нэг. Тэрээр 2005 онд 15.7 тэрбумын хөрөнгө өвлөж авсан бөгөөд одоо 25.3 тэрбумын хөрөнгөөр дэлхийн тэрбумтнуудын дунд жагсаж байна. Тэрээр их сургуулийн байтугай, дунд сургуулийн ч дипломгүй ажээ. 

 

3. Amancio Ortega

Тэрээр INDITEX Group-ийн үүсгэн байгуулагч бөгөөд 37.5 тэрбумын хөрөнгөөр Испаний тэргүүн баян, Европын хоёр дахь, дэлхийн тав дахь баян хүнээр тодорчээ. Amancio Ortega нь анх 1975 онд хувцасны дэлгүүр нээж байсан бөгөөд тэр нь одоо бидний сайн мэдэх Zara брэнд юм.

2. Larry Ellison

Oracle корпорацийн үүсгэн байгуулагчдын нэг, гүйцэтгэх захирал тэрээр 2012 оны байдлаар 36 тэрбумын хөрөнгөтэйгөөр Америкийн 3 дахь баянаар тодорсон байна.

1. Bill Gates

Нэгэн цагт хүмүүсийн мөрөөдөл болсон Харвардын их сургуулийн оюутан байсан тэрээр сургуулиа орхиж бидний сайн мэдэх Microsoft Windows үйлдлийн системийг найз Paul Allen -ий хамт зохиож байжээ. Эцэг, эхдээ сургуулиа төгсөнө гэж үргэлж хэлдэг байсан тэрээр хожим Харвардын Их Сургуулийн төгсөлтийн баярын үеэр аавдаа энэ үгээ дахин дурьджээ. Bill Gates 2012 оны байдлаар 61 тэрбум долларын хөрөнгөөр дэлхийн 2 дахь баян хүнээр тодроод байгаа аж.