Венецийн театрт монгол зураачийн бүтээл тавигдана

Энэ сарын 9-нд Италийн Венец хотноо тус улсын Театрын урлагийн холбооноос зохион байгуулдаг Уран зургийн уралдааны шилдэг бүтээлийн үзэсгэлэн нээлтээ хийх гэж байна. Дэлхийн өнцөг булан бүрээс бүтээлээ илгээсэн 500 гаруй зураачаас сонгон шалгаруулж, Монгол, Франц, Итали, Мексик, Герман, Өмнөд Африк зэрэг орны шилдэг 24 зураачийн бүтээлээр үзэсгэлэн гаргахаас гадна энэ оны сүүлчээр шилдэг бүтээлүүдийг нэгтгэн ном болгон хэвлэх гэнэ.

Италийн Ерөнхийлөгчийн ивээл дор 16 дахь удаагаа амжилттай зохиогдсон уралдааны нэг, хоёрдугаар байрт Франц, гуравдугаарт Саваннагийн зураачийн бүтээл шалгарчээ.