Монголын мисс “Дэлхийн мөрөөдлийн гүнж” боллоо

“Монголын Мисс-2010” тэмцээнээс “Оюунлаг мисс” өргөмжлөл хүртсэн мисс Б.Борголжин Малайзын Куала Лумпур хотноо болсон “Мисс Туризм Интернэйшнл-2010’’ тэмцээний сүүлийн шатны шалгаруулалтын таван гоо бүсгүйн нэгээр тодорч, “Dream Girl of the Year International” буюу “Дэлхийн мөрөөдлийн гүнж”  цол хүртэж, титэм болон цомын эзэн болжээ.

Тус тэмцээнд таван тивийн 60 гаруй орны сайхан бүсгүйчүүд хүрэлцэн ирж оролцсон бөгөөд Монгол Улсаа төлөөлөн оролцсон Б.Борголжин хэмээх бүсгүй оюун ухаан, гоо үзэсгэлэн, авьяас чадвараараа тэргүүлж, “Miss Charming Fantasy”  буюу “Оюунлаг үзэсгэлэн гоо мисс”, “Miss Crowning Glory” буюу “Алдрын титэмт мисс” номинациудын тэргүүн байрын эзнээр тус тус  тодорсон байна.

Хятадын алдарт Нанкайн их сургуулийн Хятад хэл соёлын коллежийг 2008 онд амжилттай суралцаж төгссөн, оюунлаг мисс бүсгүй өдгөө Шанхай хотын их сургуульд хуульч мэргэжлээр суралцаж байгаа гэнэ.