Иско гэрээгээ сунгалаа

Испанийн Ла лигийн “Малага” багийн авьяаслаг хагас хамгаалагч Иско гэрээгээ сунгалаа. Түүнийг Европын том багууд сонирхож байсан ч гэсэн 2016 он хүртэл гурван жилийн хугацаатай шинэ гэрээнд гарын үсэг зурсан байна. Иског худалдан авахыг хүсч буй багууд түүний гэрээг цуцлахын тулд 35 сая евро төлөх шаардлагатай юм байна. Иског “Тоттенхэм”, “Челси”, “Байерн Мюнхен” багууд сонирхож байгаагаа илэрхийлж байсан юм. 20 настай хагас хамгаалагч энэ улиралд 25 тоглолтод 7 гоол оруулсан.