МУГЖ С.Жавхлан “Хамаг Монгол” төсөл нээлтээ хийлээ

МУГЖ С.Жавхлан “Хамаг Монгол” төслийнхөө нээлтийг хийлээ. Монгол туурагтан нэгдсэн энэхүү төсөлд ОХУ-ын Халимаг улсын дуучин Жангарч, Шаран Диймаа, ОХУ-ын Тува  улсын төв театрын гавьяат жүжигчин, дуучин, хөөмийч Саидаш Монгуш, ОХУ-ын Буриад улсын дуучин Чингис Раднаев, Өвөрмонголын “Хөх хээр” хамтлагийн дуучин М.Баясгалан зэрэг алдартай дуучид нэгджээ. Тэд энэ сарын эхээр дуучин С.Жавхлангийн урилгаар ирсэн байна. “Нэгэн цагт цацсан шагай мэт бутарсан ч цуглан нийлэх цаг үе ирсэн байна. Тиймээс энэ төсөл нь Хамаг Монгол туурагтнаараа галаа бадраах зорилготой юм” хэмээн дуучин  С.Жавхлан ярилаа. Энэ ёслолыг зохион байгуулснаар газар шороо эх орон минь улам хүрээгээ тэлэх учиртай аж. Төслийн гал тахих ажиллагаа ирэх сард болох бөгөөд энэ оны турш Халимаг, Тува, Буриад, Өвөрмонголоор тэд тойрон гал бадрах ёслол хийхээр зэхэж байна.