Гайхамшигт цаасан урлал

Origami ("Ori" нугалах, "Gami" цаас гэсэн утгатай япон үг) нь Япон улсын үндэсний цаасан урлал юм. 17-р зууны эхэн үед үүсч, 19-р зууны дунд үе гэхэд гадаад орнуудад тархсан байна. Тэр үеэс эхлэн оригами нь орчин үеийн урлагийн шинжтэй болжээ. Энэхүү урлагийн зорилго нь хавтгай цаасыг нугалснаар утга учир бүхий дүрс үүсгэх бөгөөд хайчлах, цавуудах зэрэг нь цаасан урлалд тооцогддоггүй аж. Нугалаасны тоо цөөхөн байж болох ч нарийн төвөгтэй загварыг гаргах олон аргууд байдаг. Хамгийн алдартай цаасан урлал нь бидний сайн мэдэх цаасан шувуу юм.