Киноны чанар буюу CamRip, TSRip, DVDScr, DVDRip, R5, R6, HDRip, BRRip, BDRip хоорондын ялгаа

Зарим киноны дүрс болон дууны чанар муу байхад зарим нь дүрсний хувьд сайн хэрнээ дууны хувьд тааруу байх боловч хэмжээ их байдаг. Гэтэл зарим нь хэмжээ тун бага хэрнээ бичлэгийн чанар маш сайн байгаад байдаг. Тэгвэл киноны цацалтын талаар дэлгэрэнгүй мэдээллийг хүргэж байна.

CAMRip /Camera Rip/

Энэ нь киноны нээлтийн өдрүүдэд буюу театрт гарч байх үед камер ашиглан бичсэн хувилбар юм.  Камераа хөдөлгөөнгүй байрлуулах, аль /баруун, зүүн, эгц урд/ талаас нь бичсэн, бичлэгийн бүрэн эхээс хасалт хийсэн эсэх зэрэг хүчин зүйлээс уг бичлэгийн дүрсний чанар хамаардаг. Дууны хувьд ихэнх тохиолдолд киноны явцад өөр бусад чимээ дуулдах бөгөөд ихэвчлэн энэ нь хүмүүсийн инээд байдаг. Зарим тохиолдолд аз таарч кино театрт хүн цөөн байдаг тул чанар нь арай дээр байх боловч шаардлага хангахгүй.

TSRip /Telesync/

Дуугаа эх файлаас шууд хуулж авсан байдаг /сонсголын бэрхшээлтэй хүмүүст зориулсан төхөөрөмжөөр дамжуулан бичиж авсан байдаг/ -аараа CAMRip -ээс ялгаатай. Ихэнхдээ оройны хүнгүй үзвэрүүдийн үед үүнийг бэлтгэдэг байна.

Screener /SCR/

VHS буюу бидний мэдэх представкний кассетанд хуулбарлан киноны борлуулалтыг нэмэгдүүлэх зорилгоор кино прокатуудаар түгээдэг бичлэгийн хувилбар юм. Ихэнхдээ дүрсний дээр болон доор хэсэгт "зохиогчийн эрхийн зөвшөөрөлгүйгээр хуулбарлахыг хориглоно" гэсэн бичигтэй байдаг. Дуу болон дүрсний чанар нь VHS -д хуулахад ашигласан төхөөрөмжөөс хамаардаг бөгөөд ихэнхдээ дундаж байдаг.

DVDScr /DVD Screener/

Telesync-ийн дараачийн цацалтын хувилбар бөгөөд энэхүү хувилбар нь кино шүүмжлэгчид болон кино академийн гишүүдэд урьдчилсан байдалаар илгээдэг хувилбар юм. Энэхүү хувилбар дээр "Энэхүү хувилбар нь хуулбар бөгөөд гадуур зарагдаж байвал доорх утсаар холбогдоно уу" гэсэн бичигтэйгээ байдаг юм. Мэдээж тухайн хуулалт хийж байгаа хүн авъяастай бол үүнийг арилгаж болдог.

R5 

Хамгийн түрүүнд гардаг DVD чанартай кино бичлэг. Гэхдээ зөвхөн Region 5 буюу орос улсад ихэвчлэн гардаг. Үүн дээр Англи хэл байдаггүй ба тухайн киноны англи хэлийг өмнөх гарсан хувилбараас шууд хуулж аван наадаг бөгөөд энэхүү хувилбарыг Англи хэлтэй нь дууны хувьд муу ч бичлэгийн хувьд сайн болдог гэж үзэж болно. Мэдээж DVD-г гүйцэхгүй.

VHSRip

Представкний кассетанд хуулсан цацалт

TVRip

Энэ цацалт нь телевизээр гарч байгаа бичлэгийг шууд VCD, SVCD-д ТВ карт ашиглан бичсэн хувилбар юм. Дүрс, дууны чанар боломжийн байдаг .

HDRipDVDRip нь хамгийн өндөртөө 720х480 pixel нягтралтай байдаг бол HDRip нь BDRip -тэй адил буюу 1080i эсвэл 720p нягтралтай байдаг. HDTV -гээс буюу өндөр нягтралтай телевизээс шууд хуулбарласан хувилбар.

BDRip

Хуулж авалтын хувьд ижилхэн гагцхүү нягтрал болоод хэмжээний хувьд том юм. Bluray Disc нь DVD-г бодвол хамаагүй том буюу 25СВ хүртэлх файлыг өөр дээрээ багтааж авах боломжтой байдаг учир тухайн кино үнэхээр өндрөл нягтралтай болж чаддаг. Орчин үед BDRip Repack гэж гарсан ба энэхүү кино 1000mb буюу DVDRip-с ердөө 200-гаАд MB илүү болж байгаагаараа маш чанартай болж байгаа бөгөөд хүчээ авч байгаа хувилбар юм.

BRRip

Хэмжээ нь ердөө 300MB - 500MB -ийн хооронд байдаг хэрнээ чанарын хувьд хамаагүй сайн BDRip -ээс шууд хуулбарласан хувилбар юм. Ойрд дандаа иймэрхүү кино үзээд байгаа.