Английн ПЛ-н түүхэн дэхь хамгийн шилдэг ТОП-10 гадаад тоглогч

Английн примьер лигийн түүхэн дэхь хамгийн шилдэг ТОП - 10 гадаад тоглогчдын жагсаалтыг танилцуулж байна.

Sami Hyypia бол Ливерпүүлийн бүх цаг үеийн хамгийн шилдэг хамгаалан тоглогчдын нэг билээ. Тэрээр 1999 онд Голландын клубээс Ливерпүүлд 2.6 сая фунтээр ирж, тун удалгүй Ливерпүүлийн хамгаалалтийн гол цөм болж чадснаар 2000-аад оны эхээр Ливерпүүлийн гаргасан амжилтуудад маш том хувь нэмэр болж чадсан юм. Тэрээр 2001 онд Ливерпүүлийн хамтаар League cup, FA cup , UEFA cup - уудад түрүүлж ХЭТ-ТРИК хийсэн юм. Мөн 2005 онд Ливерпүүлийн хамтаар Аваргуудын лигт түрүүлсэн.

2004 онд 24 сая фунтээр Чэлсид ирж байсан Didier Drogba ЦЭНХРҮҮДИЙН домог болж чадсан нэгэн юм. Тэрээр Чэлсигийн төлөө 341 тоглолтонд оролцож, 157 гоолыг оруулсан төдийгүй өнгөрсөн улиралын аваргуудын лигт Чэлсиг аварга болгосон гэхэд хэлсдэхгүй болов уу....

Sir Alex Ferguson - ий хамгийн ашигтай наймаа гэж нэрлэгддэг тоглогч бол Peter Schmeichel юм. Учир нь тэрээр 1991 онд ердөө £505,000 - ээр УЛААН ЧӨТГӨРҮҮДИЙН эгнээнд нэгдэж байсан гэнэ. Улмаар тэрээр примьер лигийн түүхэн дэхь хамгийн шилдэг хаалгачдын нэг болж чадсангүй төдийгүй 1990 - ээд оны Дэлхийн шилдэг хаалгачдын нэг байсан юм.

Франц залуу David Ginola нь Ньюкастл , Тотенхэм зэрэг клубуудад хүчин зүтгэлж байсан бөгөөд 1999 онд Тотенхэмийн хамтаар League Cup-т түрүүлсэн төдийгүй тухайн улиралынхаа примьер лигийн шилдэг тоглогч мөн хөлбөмбөгийн сэтгүүлчдийн санал асуулгаар тодруулдаг оны шилдэг хөлбөмбөгчний шагналыг тус тус хүртэж байжээ. Хожим нь тэрээр Астон Вилла, Эвертон зэрэг клубуудад карьерийнхаа сүүлчийн үеийг өнгөрүүлжээ. Мөн тэрээр shampoo - ий рекламны нүүр царай болж байсан гэнэ.   :)

Eric Cantona бол Манчестер Юнайтедийн түүхэн дэхь агуу тоглогчдын нэг болж чадсан ФРАНЦ тоглогч юм. Тэрээр 1991-92 оны улиралд Leeds-г примьер лигт түрүүлүүлснийхээ дараах улиралд нь Манчестер Юнайтедад ирж, мөн л тэдний хамтаар примьер лигт түрүүлж чадсан юм.

1996 онд Парма клубээс 4.5 сая фунтээр Чэлсид ирж байсан Zola багтаа тун хурдан дасан зохицож, түлхүүр тоглогч нь болж чадсан юм. 1997-98 оны улиралд тэрээр Чэлсигийн хамтаар League Cup, Cup Winners' Cup  Super Cup зэрэг тэмцээнүүдэд тус тус турүүлж байжээ. Zola Чэлсигийн төлөө 312 тоглолтонд оролцож, 80 гоолыг оруулсан байна. 2002-2003 оны улиралын дараагаар Чэлсиг орхисон Zola-гийн өмсгөлийн 25 дугаарыг албан ёсоор Чэлси мөнхлөөгүй ч гэсэн хэн ч түүнээс хойш 25 дугаарыг эзэмшээгүй юм.

2003 онд 12.24 сая фунтээр Улаан Чөтгөрүүдийн эгнээнд нэгдэж байсан Португал залуу Роналдо Юнайтедийн төлөө 118 гоолыг оруулсан төдийгүй 2008 оны Дэлхийн шилдэг хөлбөмбөгчнөөр тодорч байсан юм. Юнайтедад 6 жилийг өнгөрсүүлсэн Роналдо 2009 онд 80 сая фунтээр Испаний эзэн хааны Реал Мадрид руу зарагдсан билээ.

Dennis Bergkamp бол Арсеналын түлхүүр тоглогч байсан юм. Тэрээр 1995 онд Италийн Интер Миланаас 7.5 сая фунтээр Арсеналд ирсэн юм. Тэрээр Арсеналын хамтаар 1998 , 2002 онуудад ДАБЛ хийж байжээ. Мөнө 2003-04 оны улиралд Арсеналын хамтаар примьер лигт ганц ч ялагдалгүйгээр түрүүлж байсан юм. Тэрээр Арсеналын төлөө 425 тоглолтонд оролцож, 131 гоолыг оруулсан байна.

1999 онд Италийн Ювентүс клубээс Арсеналд 11 сая фунтээр ирж байсан Франц залуу Терри Анри Арсеналын бүх цаг үеийн хамгийн шилдэг мэргэн бууч болж түүхэнд бичигдээд байгаа юм. Тэрээр Арсеналын төлөө нийт 228 гоолыг оруулсан юм.