Ц.Батхуяг буюу Амбий "Гол дүрээс илүү туслах дүрд тоглохыг хүсдэг"

СТА жүжигчин Ц. Батхуяг буюу Амбийг үзэгч та бид бүхэн ямар ч дүрийг авъяаслаг бүтээж чаддагаар нь андахгүй билээ. Харин ойрын хугацаанд тайзнаа тоотой харагдах болсон тэрээр уран сайхны кино буюу дэлгэцийн бүтээлд түлхүү анхааран ажиллах болж. Үүний илрэл нь Уулын төмөр, Помагите нам 1, 2, 3-р ангиуд болон Тэнгэрийн ивээл зэрэг уран сайхны кинонуудад туслах болон гол дүрүүдийг бүтээсэн явдал юм.  Жүжигчин Амбийд одоогоор 2 киноны зохиол ирээд байгаа бөгөөд тэдгээр бүтээлүүддээ 2 сараас эхлэн ханцуй шамлан орох гэнэ. UBS телевизээс зохиож буй "Сутура" кинонд оролцож байгаа ба СТА Жүжигчин Д.Бямбацогт, Б.Баатархүү нарын хамтаар "Шарталт" кинонд тоглохоор болжээ.