Дэлхийн циркчид Монголд

Written By Unknown on Sunday, January 20, 2013 | 11:48 PM

Монгол улсын циркчид шинэ он гараад амжилтаар дүүрэн байгаа. Энэ сард гэхэд Испанид олон улсын гала тоглолтонд Золбаяр ахлагчтай Шидэх банзнаас үсрэгчид, Шидэлттэй акробатаар оролцож Дэлхийн тэмцээнээс Алтан цом хүртсэн билээ. Амжилтын буухиа үргэлжилсээр Францад олон улсын тоглолтонд 2 жил тоглохоор гэрээ байгуулжээ. Мөн эрэгтэй уран нугараач жүжигчин н.Лхагва-Очир тэнцвэрийн үзүүлбэрээр Италид болсон циркчидийн тэмцээнээс Мөнгөн цом хүртсэн байна. Түүнчлэн 30 гаруй жил тасраад байсан Дэлхийн цирк Монголын тайзнаа 3 сард тоглохоор болжээ. Үүнд: Итали, Испани, Швед, Америк, мөн дэлхийд 1-рт бичигддэг Хятадын циркчид болон Унгар, Украйн, Орос, Канад гэх мэт улс орнуудаас шилдэгийн шилдэгүүд ирж оролцох ажээ.

Э.Анударь

Бусдад түгээх :