Барак Обама “Майами Хит” багт хүндэтгэл үзүүллээ

 АНУ-ын Ерөнхийлөгч Барак Обама Үндэсний сагсан бөмбөгийн холбооны аварга “Майами Хит” багийг Цагаан ордонд хүлээн авч хүндэтгэл үзүүллээ. Хит багийн бүх тоглогчид үүргээ сайн гүйцэтгэсний үр дүнд оргилд гарсан гэж Обама магтжээ. Хит өнгөрсөн зургадугаар сард “Оклахома Сити Тандер” багийг цуврал таван тоглолтын үр дүнд буулган авч хоёр дахь удаагаа аваргын цомыг өргөсөн. ЛэБрон Жэймс, Крис Бош, Дуэйн Вэйд тэргүүтэй Хит багийн тоглогчид цэрэг дайны ажиллагаанд оролцож шархадсан ахмад дайчидтай уулзаж, сэтгэлийн дэм өгч байсан. ЛэБрон Жэймс Обамад гарын үсэгтэй бөмбөг дурсгал болгон бэлэглэсэн ажээ.