Боксын улсын аварга эхэлжээ

Монгол Улсын гавьяат дасгал­жуулагч, XX зууны манлай дасгал­жуулагч В.Батбаярын нэрэмжит боксын насанд хүрэгчдийн улсын аварга шалгаруулах тэмцээн өчиг­дөр Спортын ордонд нээлтээ хий­лээ. Уг тэмцээн анх удаа зохион байгуулагдаж байгаа бөгөөд жин тус бүрдээ түрүүлсэн тамирчид цаашид эх орноо төлөөлөн Евро­пын цуврал тэмцээн болон ирэх аравдугаар сард болох дэлхийн аварга шалгаруулах тэмцээнүүдэд оролцох эрх хүртэх учиртай. Анх­дугаар тэмцээнд 28 байгууллагын 200 гаруй тамирчид эрэгтэй 10, эмэгтэй гурван жинд өрсөлдөж байна.

 

Лондонгийн олимпийн мөнгөн медальт Н.Төгсцогт, хүрэл медальт У.Мөнх-Эрдэнэ, олон улсын хэм­жээний мастер З.Энхзориг тэр­гүүтэй шилдгүүд тулалдаж байгаа аж. Тэмцээний хагас шиг­шээ тоглолтууд ирэх сарын 2-нд болох бол шигшээ тоглолт 3-ны өдөр болж дүнгээ гаргах юм байна.