Домогт хөлбөмбөгчин Диего Марадона хүүтэй болов

Дэлхийн домогт хөлбөмбөгчин Аргентины  Диего Марадона хүүтэй болжээ.  Хуучин тамирчны гэр бүлийн хувийн эмч Альфредо Каэ энэ мэдээллийг нотлосон байна. Түүний хэлснээс үзвэл, хүүхэд Буэнос-Айрес хотын нэг эмнэлэгт төржээ.  “Түүнд Диего Фернандо гэсэн нэр өгсөн, 3,2 кг жинтэй төрсөн” гэж эмч мэдээлээд, “эх, хүүхэд хоёрын бие сайн байгаа” гэж  хэлсэн байна. Кесарев хагалгаа  хийж, хүүхдийг нэг сарын өмнө төрүүлжээ. Диего Фернандо нь Марадона болон  түүний хамтран амьдрагч 34 настай Вероника Охеда  хоёрын  анхны хүүхэд болж байна.  Гэвч тэд чухамдаа хэдхэн сарын өмнө салсан нь үнэн. Алдарт хөлбөмбөгчин одоо Арабын нэгдсэн эмирт улсад байгаа бөгөөд өнгөрсөн оныг хүртэл хөлбөмбөгийн “Аль-Васл” клубийн дасгалжуулагчаар ажиллаж байсан юм. Дэлхийн хөлбөмбөгийн од байсан тэр  Аргентины элчин сайдын яамаар дамжуулан  хүүгийн эцэг гэдгээ албан ёсоор зөвшөөрнө хэмээн таамагдаж байна. 52 настай Марадона түрүүчийн эхнэр Клаудия Вильяфаньегаас насанд хүрсэн хоёр охинтой (Дальма 25,  Жианнина 23 настай) юм.  Марадонаг Италийн “Наполи” клубт тоглож байхад төрсөн 24 настай Диего Синаграгийн эцэг  нь хөлбөмбөгчин гэдгийг Италийн шүүх бас хүлээн зөвшөөрсөн юм.