Шинийн найман буян хурах өдөр

 Өнөөдөр аргын тооллын 2013.2.18 Даваа гараг. Билгийн тооллын  шинийн 8. Нэг цагаан мэнгэтэй хөхөгчин туулай өдөр. Тухайн өдөр хонь, гахай жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Хур усан буух улирал 20 цаг 11 минутад эхэлнэ. Үс шинээр үргээлгэх буюу засуулбал нас уртадна.