Үтрээний талаар таны мэдэх ёстой бүхэн

Их секс хийх нь сунгадаг гэж үнэн үү?

Үнэр ялгарах нь хэвийн үзэгдэл үү?

Өөр өөр өнгөтэй байх нь хэвийн үзэгдэл үү?

Энд бүх хариулт бий.

Тэр бол таны эрүүл мэндийн нэвтэрхий толь. Бас танд хэдэн арван төрлийн гайхалтай мэдрэмжийг өгч чаддаг шидтэй. Түүнийхээ хажуугаар хэдэн арван төрлийн өвчнийг ч мөн адил авчирдаг. Гэвч эмэгтэйчүүдийн 60 хувь нь энэ хамгийн чухал эрхтнийхээ талаар мэдээлэл хомстой байдаг гэнэ. Энэ бас л харамсмаар зүйл. Яагаад гэвэл эмзэг эрхтнийхээ талаар сайн мэддэг эмэгтэй хүн сексийн үед дур ханах магадлал илүү өндөртэй байдаг нь судалгаагаар тогтоогджээ.

1.Ихэнх үтрээнүүд хоорондоо адилхан байдаг
...Дотроо л доо. Гэхдээ гадна бэлэг эрхтнүүд хоорондоо өөр байх нь элбэг. Хэлүүний хэмжээ ойролцоогоор 1 инч байдаг бол бэлгийн уруул урт богино янз бүр байдаг. Ихэнх эмэгтэйн бэлгийн уруул ижил тэнцүү хэмжээтэй биш, нэг нь нөгөөгөөсөө арай урт байдаг.

2. Гаднах хэсэг нь өөр өөр өнгөтэй байх нь элбэг
Таны үтрээ болон умайны өнгө нь арьсны тань өнгөтэй хамааралгүй юм. Цайвар арьстай бүсгүйчүүд бор эсвэл хөх ягаан өнгийн эрхтэнтэй байх нь элбэг. Үүнтэй адилханаар, бараан арьстай бүсгүйчүүдийн эрхтэн нь ягаан, цайвар байж бас болдог. Түүнчлэн таны бэлгийн уруул бараан өнгөтэй мөртлөө, хярзан нь цайвар, өөрөөр хэлвэл алаг ч байж болдог. Тиймээс хэрэв та өөр өөр өнгөтэй байгаад нь санаа зовниж байсан бол энэ нь ямар нэг өвчин биш гэдгийг тэмдэглэхэд таатай байна. Түүнээс гадна эмэгтэй хүний бэлэг эрхтнээс нялуундуу, хурц үнэр үэнртэх нь хэвийн үзэгдэл. Тэр ч байтугай энэ үнэр нь эрчүүдийн сэрлийг өдөөхөд чухал үүрэг гүйцэтгэдэг талтай.

3. Хана нь нугалаа, хуниастай байдаг
Ихэвчлэн үтрээний хана нь дээр дээрээсээ давхарлагдсан маягаар байдаг. Харин тийшээ тампон эсвэл шодой хийх үед тэд салж, өргөсөн тэлдэг юм. Яг л шүхэр дэлгэгдэхтэй адилхан гэсэн үг. Үтрээ дунджаар хагасаас хоёр инчийн өргөнтэй байдаг. Хүүхэд төрүүлсний дараа түүнээс ч том болж болдог байна.

4. Тайвшир-том эрхтэнтэй эр түүнийг сунгахгүй 
Дээр дурдсанчлан үтрээ нь маш уян хатан байдаг учраас ямар ч том эрхтнийг багтаах чадьартай. Секс хийж дууссаны дараа эргээд л бариу хэлбэртээ ордог. Харин ээж болсныхоо дараа та үтрээний дасгалыг орой бүр хийвэл буцаад өмнөх шигээ болох боломжтой юм.

5. Удаан хугацаанд ганцаараа явсны дараа...
Сексийн хамтрагчгүй удвал үтрээ агшиж, хэтэрхий бариу болчихдог учраас дараа нь хэн нэг эртэй бэлгийн харьцаанд ороход яг л анхны шөнийх шиг өвддөг гэх цуу яриа бий. Энэ бол 100 хувь худал зүйл юм. Таны үтрээний булчин эхэндээ жаахан чанга байж магад ч, секс хийхэд огт өвдөхгүй.