Ертөнц цомог дэлхийн шилдэг 16 сайтаар борлуулагдаж байна

 “Брос Рекордс Монголиа” компанийн хамт олон язгуур хөгжмийг орчин цагийн “new age”, “ethno electronic”, “chill out” зэрэг хөгжмийн төрлүүдтэй хослуулсан “Universe” буюу “Ертөнц” цомогоо Монголын радиогийн алтан фондод хадгалуулахаар хүндэтгэлтэйгээр гардуулсан нь саяхан билээ. Хэдэн мянганы түүхтэй нүүдэлчин ард түмний үнэт өв соёлыг хадгалах, сэргээн сурталчилж, ирээдүй хойчдоо өвлүүлэхийн сацуу дэлхий дахины хүртээл болгох гэгээлэг зорилго бүхий “Брос Рекордс Монголиа” компанийн “Ертөнц” цомгийн танилцуулга Монголын радиогийн “Монголын дуу хоолой” нэвтрүүлгээр 4 хэл дээр цацагдсан байна. 

“Introduction to Nomads” цомгоороо нэгэнтээ сонсогчдын танил болоод байсан хөгжмийн зохиолч Г.Ононгийн хоёр дахь бие даасан “Ертөнц” цомгийн танилцуулга ийнхүү Англи, Орос, Япон, Хятад хэлээр цацагдсанаар олон улсын тавцанд хөл тавих анхны алхамаа амжилттай хийсэн байна. Сонирхуулахад “Ертөнц” цомог контент хэлбэрээрээ “I tunes”, “Amazon” зэрэг хөгжмийн борлуулалтаараа дэлхийд тэргүүлэгч 16 сайтаар зарагдаж эхэлсэн гэнэ шүү.