Британи гаралтай нэрт хийлч бүсгүй Ванесса Мэй урлагын авьяаснаас гадна спортын авьяастай нэгэн юм. Тэрээр цанын спортоор хичээллэдэг бөгөөд шаггүй нэгэн бөгөөд 10 гаран жил хичээллэж байгаа юм. Тэрээр 2002, 2010 оны олимпийн наадмуудад Тайландын нэрийн өмнөөс оролцохыг хүссэн ч Тайландын зүгээс түүнийг Британий иргэншилтэй хэмээн үзээд зөвшөөрөөгүй билээ.
Мэй 2010 оны олимпийн дараа Тайландын Олимпийн хороонд дахин хүсэлт гаргасан бөгөөд энэ удаад нааштай хариу аваад байгаа юм байна. Ийнхүү олимпийн наадамд оролцох боломжтой болсон хийлч бүсгүй маань ОХУ-ын Сочи хотод зохиогдох Өвлийн олимпийн тоглолтод уулын цанын хоёр төрөлд хүч үзэхээр төлөвлөж байгаагаа илэрхийлжээ.
Хийлийн уянгалаг аялгуугаар Дэлхийн хэмжээний од болсон тэрээр цанын тухай “Мэдээж хэрэг миний амьдралын утга учир бол дуу хөгжим. Харин миний хоббины ихэнх хэсгийг уулын цана эзэлдэг. Гайхалтай шүү” гэж ярьсан байна.
Ванесса Мэйгийн хувьд Тайланд цустай ч тэрээр өөрийгөө Британиас гаралтай хэмээн ярьдаг бөгөөд 1978 онд Сингапурт төрсөн бөгөөд түүний аав Ворапхонг Ваннакон Тайландын улсын иргэн билээ.
.jpg)
.jpg)
0 comments:
Сэтгэгдэл бичих