Хүүхэд бүрийн үзэх ёстой Диснейн бүтээлүүд

Зөвхөн хүүхэддээ ч биш, өөрөө хэрэв эдгээрээс үзэж амжилгүй явсаар нэг мэдэхэд том болчихсон бол зориуд DVD-г н олж аах юм уу, татаж авч байгаад гэр бүлээрээ нэг оройг зурагтныхаа өмнө өнгөрүүлээрэй. Бүгд таны болон хүүхдийн чинь сэтгэлийг сэргээхээс гадна, чухал мессежүүдийг оюунд чинь үлдээх болно.

"Фантасия."
Сонгодог хөгжим, сонгодог баатрууд. 1940-өөд онд хийгдсэн Диснейн классик бүтээл нь Леопольд Стоковскийн хөгжмийн найруулгын тусламжтайгаар амилжээ. Нэг ч үг, авиа гардаггүй, зөвхөн аялгуулаг “хэл”-ээр өгүүлэгддэг энэ хүүхэлдэйн кино таны хүүхдийг урлагийн болоод хөгжмийн боловсролтой, мэдрэмжтэй болоход туслах болно.

"Бэмби."

Ой хөвчийн залуу ханхүү Бэмбийн тухай түүх таны хүүхдэд байгаль, ан амьтныг хайрлан энэрэх ухаанд сургаж хүмүүжүүлэх болно. Бэмбиг үзэж өссөн хүүхдийн толгойд амьд амьтныг өвтгөх тухай бодол орж ирэхгүй гэж хэлэхэд хэтийдэхгүй биз.

"Араатан ба гоо үзэсгэлэн."

Үзэсгэлэнтэй охин болгон үлгэр дээр ханхүүд дурладаг. Гэхдээ энэ хүүхэлдэйн кинон дээр тэр үзэшгүй муухай араатанд дурладаг. Хайраар бүхнийг эдгээж болдог гэдгийг харуулсан сонгодог хүүхэлдэйн кино.

"Алиса гайхамшгийн оронд."

Охин хүүхдийн төсөөлөн бодох чадварыг хөглөж өгөх хүүхэлдэйн кино. Хаа нэгтээ ид шидийн ертөнц байдаг гэдэгт итгэн, хүүхэд насаа мөрөөдлөөр дүүрэн өнгөрүүлэхэд нь тусална. Зохиол нь хүртэл дэлхийн сонгодгуудын нэг.

“Араатны хаан арслан”

Зөвхөн хүүхэд гэлтгүй, томчуудад хүртэл амьдрлын тухай гайхалтай энгийн хирнээ сургамжтай мессежүүдийг үлдээдэг сод хүүхэлдэйн кино юм.

"Mангасуудын ертөнц"

Энэ хүүхэлдэйн киног магтахгүй байж чадна гэж үү! Дэлхийн бүх хүүхдүүдийн сэтгэлд хүрсэн цөөн хэдэн бүтээлийн нэг юм.

Wall-E

Дэлхийгээс хүмүүс явсны дараа ч “Хайр” оршсоор л байх болно. Энэ хүүхэлдэйн киног үзсэний дараах мэдрэмж нэг хэсэгтээ л арилдаггүй шидтэй.

Мулан

Мулан бол Диснейн түүхэн дэх анхны эмэгтэй баатарлаг дүр юм. Хэний ч дотор өөрийнх нь мэдээгүй хүч агуулагдаж байдаг.

Plus: Спирит

Диснейн бүтээл биш ч гэлээ энэ сэтгэл хөдөлгөм хүүхэлдэйн киног жагсаалтанд оруулахгүй бол алдас болох биз. Салхинаас хурдан, нарнаас хүчтэй, газраас ширүүн Спирит морьны тухай гайхалтай бүтээл.