Хоёрдугаар сарын 15-ны өдөр

 08:00 цагаас Нийслэлийн Удирдлагын зөвлөлийн хуралдаан болно. Хуралдаанаар Нийслэлийн 2013 оны эдийн засаг нийгмийн зорилтыг хэрэгжүүлэх ажлын төлөвлөгөөг хэлэлцэнэ. Удирдлагын зөвөлийн хуралдаан Хангарьд ордоны 14 давхарт

10 цагт Монгол Улсын Шадар сайд Д.Тэрбишдагва өрөөндөө Стандартын улсын үзлэгийн дүнгийн талаар ажлын хэсгийнхэнтэй хамт сэтгүүлчдэд мэдээлэл хийнэ. Ажлын хэсэгт бүх яамдын Төрийн нарийн бичгийн дарга нар ажилласан байна.

11.00 цагт ”Монгол ньюс” мэдээллийн төвд ЭХЭМҮТ-ийн мэдрэлийн тасагт хэвтэн эмчлүүлэгч тархины саажилттай хүүхдүүдэд туслах зорилгоор зохион байгуулах “Буян аривжихуйн ерөөл” шашин урлагийн цэнгүүний талаар мэдээлэл хийнэ.

11.00 цагаас  ШУТИС-ийн профессор, Антарктидын нийгэмлэгийн тэргүүн Л.Дүгэржав ШУТИС-ийн Эрдмийн зөвлөлийн 203 тоот өрөөнд хэвлэлийн бага хурал зарлажээ.

15.00 цагт  “Керамик арт” студи, 116 дугаар дунд сургуулийн сурагчдын хамтарсан “Тэмтрэхүй” үзэсгэлэнгийн нээлт Уран зургийн галерейд болно.

18:00 цагаас Маршал Таунд Монгол улсад сургууль үүсэн байгуулагдсаны өдрийг тохиолдуулан УИХ, Засгийн газрын гишүүд болон Улаанбаатар хотын засаг дарга, ИХТ-ын Тэргүүлэгчдийн дарга, томоохон бүх сургуулийн захирал, бусад салбарын эрдэмтэн, мэргэжилтнүүд Монгол улсын боловсролын салбарын эрс шинэчлэлийн асуудлаар цугларч хэлэлцэх гэж байна. Энэ үеэр боловсролын салбарт анх удаа улаан хивсний ёслол болно.