“Шуранхай” хамтлаг эргэж нэгдэх үү?

Хөгжмийн ертөнцөд ардын болон уртын дууг этник стилээр дуулан гарч ирсэн  “Шуранхай” хамтлаг тараад гурван жилийн нүүр үзэж байна. Тэгвэл тэд саяхан нэгэн шинэ студийн нээлт дээр уулзаж, хуучин цагаа дурссан сурагтай. Түүнчлэн, уртын дууны “Шуранхай” хамтлагаа дахин сэргээж, уран бүтээлээ хийх талаар ч ярилцаад авсан гэнэ шүү. Сонирхуулахад, “Шуранхай” хамтлаг хамгийн сүүлд 2010 онд дуучин Болдын “Монгол поп-1” цомгийнх нь гурван дуун дээр хамтран дуулж, тус тусын уран бүтээлээ эхлүүлэхээр тарсан гэдэг. Тус хамтлаг хамтын уран бүтээлээ өөрсдийн өмнө нь гаргасан гурван цомог мөн “Ивээл сүү”, “Шуранхай” хэмээх хоёр бие даасан тоглолтоороо өндөрлөсөн билээ. Ямартаа ч, “Шуранхай” хамтлаг эргэн урлагт эргэж ирэх эсэхийг цаг хугацаа харуулах биз ээ.