“90 саяын” Б.Гансүх хаана явна вэ?

Ял эдэлж байгаад гарч ирсэн хүмүүс эргээд нийгэмших гэж нэг том асуудал байдаг. Та хэрхэн даван туулсан бэ?

Ял эдэлж байсан ч гэсэн хүн шүү дээ. Ажил хийх гэхээр мэргэжил, нас, цагдаагийн газрын тодорхойлолт үзээд л бүх зүйл тодорхой болдог. Сүмийн ажлаар Солонгосоос намайг урьсан. Тэгтэл Солонгосын элчингээс ял шийтгэл эдэлж байсан гэдэг бичиг хараад шууд татгалзсан. Уул нь ял эдлээд гарч ирж байгаа хүмүүс одоо л сайхан амьдарна даа гэж боддог. Гэтэл нийгмийн хавчлагад өртөөд, шантарч эхэлдэг. Ажилд орох, гадагшаа гарах гэхээр бүх зүйл хаалттай. Олон хүн миний амьдралаас сургамж авах байх гэдэгт итгэж байна. Над шиг битгий алдаасай. Алдаанаасаа сургамж авч, сайн зүйл рүү тэмүүлж амьдрах хэрэгтэй шүү гэдгийг захимаар байна.