Гуравдугаар сарын зурхай

Хонь
Энэ сар бүхэлдээ халуухан хуял тачаалаар дүүрэн байх нь. Сарын эхний хагасаас авахуулаад л сексийн мөрөөдөл нууцхан хүсэл, төсөөллүүд мэдрэмжийг чинь сэрээх болно. Ганц бие хонинуудад идэвхгүй, хүндрэлтэй магадгүй хаашаа ч юм алга болчихмоор мэдрэмж төрж магадгүй. Тэр үед ийм нөхцөл байдал нэг их удаан үргэлжлэхгүй гэдгийг санаж тэвчээртэй байгаарай. Сарын дунд хэсэгт хайрын Сугар гариг хонины ордод тохиосноор хосуудын дунд сэтгэлийн холбоо давамгайлах болно. Харин сарын сүүлийн арав хоногт халуун дулаан уур амьсгал бүрдэж, хорхой хүрэм тачаал эргэн ундрах нь ээ. Тэр гэхийн аргагүй сэтгэл татам тачаангуй байдал хонины ордны ганц бие бүсгүйчүүдийг нөмрөнө. Адал явдлаар дүүрэн байх төлөвтэй байна шүү. Сарын 2-р хагасаас шинэ эрч хүч, ихийг бүтээх хүсэл эрмэлзэлтэйгээр ханцуй шамлан ажилдаа орно. Өндөр хариуцлагатай бөгөөд маш их хүч хөдөлмөр шаардсан ажил хариуцаж авна. Идэвхи, санаачлагтай байхгүй бол зөрчил маргалдаан, санаандгүй бүтэлгүйтэл нүүрлэж магадгүй шүү. Хувийн зохион байгуулалтаа өндөр байлгаж, түргэн шуурхай ажлын бүтээмжтэй байхыг чамаас бүх талаар шаардах болно. Сарын сүүлийн хагаст урьднаас төлөвлөсөн ажлаа эхлүүлэх боломж гарах эсвэл удаан хүлээлгэсэн чухал зүйлийн хариу ирнэ. Санхүүгийн хувьд тогтвортой хэвийн байна. Эхний хагаст дархлаа тийм ч сайнгүй учир ханиад,ядаргаанд амархан өртөх хандлагатай. Харин сүүлийн хагаст санамсаргүй осол гэмтэлд өртөхөөс аль болох сэргийлээрэй. 

Үхэр

Секс эсвэл хүүхдүүдийн тал дээр шийдвэрлэх шаардлагатай асуудлууд хосуудын дунд байсаар л байна. Ганц бие үхрүүдийн хувьд хуучин хайраа санагалзах, гэгэлзэх хандлагатай. Мөн олон нийтийн үйл ажиллагааны үеэр шинэ танилтай болох боломж гарч ирнэ. Ганц бие үхрүүдэд 3-р сард гадагшаа чиглэсэн үйл ажиллагаа их байх учраас энэ үеэр нэгэн биенийхээ нөгөө талыг олох боломж гарч ирнэ. Яагаад гэвэл чи бусдын анхаарлын төвд байж, харцыг нь булаах тал дээр гарамгай шүү дээ. Боломжийг бүү алдаарай бүсгүй минь. Хаана очиж, юунд хүрэхийг хүснэ, ямар ч зорилго тавьсан түүнд чинь туслаж дэмжихэд бэлэн сайхан сэтгэлтнүүдээр та хүрээлүүлнэ. Ялангуяа эхний 20 хоногт маш чухал тусламж үзүүлэх хүн гарч ирнэ. Ерөнхийдөө энэ сард бүх зүйл бүтэмжтэй сайн байна. Ажил хэргийн шинэ түнштэй болох, хүмүүстэй танилцахад ээлтэй байна. Өргөн хэмжээний хурал цуглаанд оролцож, илтгэл тавьж магадгүй. Өөртөө итгэлтэй байгаарай. Санхүүгийн тал дээр бага зэрэг асуудал гарч магадгүй болохоор хэт үрэлгэн байхаас зайлсхий. Сарын эхний хагаст эрүүл мэндийн ямар нэг асуудал үүсэхгүй. Харин 3 дахь долоо хоногт бага зэрэг ядарч магадгүй учраас сайн унтаж амраарай. Сарын сүүлээр амралтад явна.

 Ихэр

Хайр дурлал, карьерийн зорилго чинь чиний хувьд тэргүүн зэрэгт тавигдах учраас энэ талбарт л бүх анхаарлаа хандуулдаг ихрийн ордны бүсгүйчүүдийн хувьд 3-р сар ээлтэй байна. Дэргэдэх хүндээ ойлгогдохыг хүсч, хэт их анхаарал халамж шаарддаг зан чинь тэднийг чамаас зайгаа барьхад хүргэдэг байж магадгүй. Гэхдээ ганц бие ихрүүдэд энэ сард удаан хугацааны харилцааны эхлэл тавигдана. Буд гариг сарын эхний 20 хоногт Ихрийн ордод тохиосноор хамгийн чухал нэгнийг чамд тодотгож өгөх болно. Зүрх сэтгэлээ сайн чагнаарай. Энэ сар ихрийнхний хувьд шуурга шиг л өнгөрнө. Ажлынхантайгаа эсвэл хамтрагч байгууллагатай зөрчилдөж мэднэ. Үүний хажуугаар чухал ач холбогдолтой үйл ажиллагаа ч олон тохионо. Сарын эхний хагаст нөхцөл байдал бага зэрэг муудах ч энэ нь нэг их удаан үргэлжлэхгүй. Гэрээ, бичиг баримттай холбоотой үл ойлголцол гарч магадгүй учир хянамгай байгаарай. Сарын хоёрдугаар хагаст амжилтад хүрэх боломж гарч ирнэ. Үүнийг алдалгүй ашиглаж чадвал цаашдын маш том боломжууд чиний гарт орж ирэх боломжтой. Санхүүгийн хувьд бага зэрэг тогтворгүй байх учир мөнгөө зарцуулахдаа Б төлөвлөгөөтэй байгаарай. Энэ сард ихрийнхний эрүүл мэнд маш сайн байна. Өвлийн тарга тэвээргээ сайн авсны чинь ач тус хаврын эхэн сард чамайг өвчин зовлонгоос сайтар хамгаалж чадна. Гэвч ажил албатай холбоотой стресст автахаас сэргийлээрэй.

 Мэлхий

Сээтэгнүүр Сугар гариг Мэлхийн ордны хайр дурлалын одонд байрлаж байна. Энэ нь чиний гэр бүлийн болон сэтгэлийн холбоонд эерэгээр нөлөөлнө. Нэг нэгнээ ойлгож, хүндэлж, эв эетэй байх өдрүүд ирж байна. Хосууд өөрсдийн ирээдүйтэй холбоотой асуудлуудыг нэг тийш болгоно. Та хоёр хүүхэдтэй холбоотой чухал шийдвэр гаргах, эсвэл чамд сексийн өндөр сэтгэл ханамжийг авчрах үйл явдал тохиолдож магадгүй. Хөнгөмсөг байх сар биш. Харин хайр дурлалдаа нухацтайгаар хандаж, ухаалаг арга замыг хайж, туршлага хуримтлуулах сар юм. Та хоёр хамтдаа аялалаар явах юм уу, холын зайны дурлалтай учирч мэднэ. Оюун санааны болон соёлын таашаалууд харилцааг чинь сайжруулна. Сарын сүүлийн арав хоног чамд зав чөлөө, тайван байдал олгохгүй тул болгоомжтой бай. Гурван сар Мэлхийн ордныхоны хувьд суралцах, өөрийгөө хөгжүүлэх, соёлын үйл ажиллагаанд оролцох зэрэг үйлд сайн. Мэргэжлийн сургалтанд суух, судалгааны ажил хийх, хэвлэн нийтлэхэд ээлтэй. Бизнес томилолт, холын зайны хүмүүстэй холбоо тогтоох, импорт экспорттой хамаатай зүйлд ашигтай. Гурван сарын 12-нд Сугар гариг Мэлхийн ордны карьерын одонд орж мэргэжлийн болон нийгэмд эзлэх байр суурийн тал дээр өсөн дэвжих хаалгыг нээнэ. Үүнийхээ хажуугаар эргэлзээтэй, тулгамдсан асуудлуудтай ч нүүр тулах хэрэг гарч мэднэ. Зоригтой бай. Энэ үеэр ажил мэргэжлийн хувьд таны удаан хүлээсэн өөрчлөлт шинэчлэл ирж, нөхцөл байдлыг түргэсгэх болно. Сэтгэлийг чинь зовоож, стресс авчирсан юм бүхэн чиний тусын тулд нөлөөлнө гэдгийг сана. Сүүлийн 10 хоногт санхүүгийн амьдрал эерэг байна. Гэнэтийн олон давхцсан үйл явдал эрүүл мэндийг чинь муутгаж магадгүйг анхаар. Ном уншиж сэтгэл санаагаа тайван байлга.

Арслан

Харилцаанд чинь асуудал гарах үед хайртыгаа шалгааж, мөрдөж мөшгих хэрэггүй. Ингэснээр чи өөрөө л шаналах болно. Үүний оронд зөнд нь орхих хэрэгтэй. Хайртай хүндээ итгээгүйгээсээ болж хүсээгүй үр дүн үзэж болно. Итгэлцэл бүхний суурь гэдгийг сана. Зөвхөн хайр дурлалд ч гэлтгүй гэр бүл, найз нөхөд, ажлын хамт олондоо итгэл хүлээлгэж тэднээсээ аз жаргалыг мэдрэх хэрэгтэй. Заримдаа тэдэнд хэт дээрэнгүй, өөрийнхөөрөө ханддагаас болж чамаас залхаж магад юм. Сарын сүүлийн арав хоногт сэтгэл эмзэглүүлсэн ямар нэг зүйл тохиолдож магадгүй юм. Урлаг уран сайхан, олон нийтийн арга хэмжээнд оролцсоноор чи өөрийгөө тайвшруулж чадна. Санхүүгийн хувьд өмнөхөөсөө ч их ашиг орлоготой байна. Гэхдээ хөрөнгө оруулалт, зээл, түншлэл зэрэг ажилд хариуцлагатай хандах хэрэгтэй. Мөнгөөр бүх зүйлийг худалдан авч болохгүй гэдгийг санаарай. Энэ сард магадгүй эртний хамтран ажиллагчтайгаа дахин гэрээ байгуулах бололтой. Өөрөө өөрийгөө ойлгохоо болих үед урт хугацааны аялал хамгийн тохиромжтой. Биеийн эсэргүүцлээ сайжруулж амин дэм хэрэглэх хэрэгтэй. Стресстэй газраас хол байж агаар салхинд гарах нь хамгийн сайн эм болно. Яг одоо чамд амралт хамгийн их хэрэгтэй. 

Охин

Энэ сард Охины ордныхны хайр дурлалын одонд олон гариг орж ирэх болно. Романтик, бүрэг Далайн ван, хүчирхэг тэмүүлэлтэй Ангараг, гэрэл гэгээтэй Нар, эмзэг мэдрэмтгий Сугар зэрэг гаригууд чиний 3 дугаар сарыг дурсамж дүүрэн, олон “өнгөтэй” болгох болно. Чиний зүрх сэтгэл хайртай хүнд чинь бүрэн зориулагдах ба бүх л цаг заваа түүнийг халамжилж, хайрлаж, түүний төлөө тэмцэхэд зарцуулахад бэлэн байна. Энэ сард гаргасан шийдвэрийг чинь өөрчилж мэдэх хэд хэдэн томоохон, чухал үйл явдлууд тохиолдож магадгүй. Хуучин хайрттайгаа дахин учрах, эсвэл өмнө нь маргаан үүсгэж байсан хэрэг сөхөгдөж болзошгүй. Бүхнийг үнэн шударгаар шийдэхийг хичээгээрэй. Хамтын болон багийн ажиллагаанаас болж стресст орж магадгүй. Ганцаараа бүхнийг хийх гэж бүү хичээ. Багийхнаа хамтын хүчээр сайхан зүйл бүтээхэд уриалж, удирдан залах нь чухал. Ижил зорилготой хүмүүс чинь чамайг өрсөлдөөн, тэмцэлд чамайг урин дуудах болно. Чухал шийдвэрүүдийг 17-ноос хойш гаргаарай. Бусдын бодол санаа байн байн өөрчлөгдөж мэдэх тул уян хатан байхыг хичээ. 12-ноос хойш санхүүгийн амьдрал тааламжтай болох ч, эрсдлээс зайлсхий. Анхаарал төвлөрөх чадвар бага зэрэг муу байна. Сэтгэл зүйгээ зөв залж, тэнцвэрт байдлыг эрхэмлэ.

Жинлүүр

3 дугаар сарын эхний арав хоногт Жинлүүрийн ордныхон хайр дурлалын харилцаандаа анхаарал хандуулах завгүй байх болно. Зүгээр дээ, 12-ноос хойш бүх зүйл эргээд хэвийн болно. Энэ өдрөөс хойш хүсэл мөрөөдөл, тэмүүллийн гариг Ангараг нь Жинлүүрийн хайр дурлалын одонд орно. Энэ нь чамд догдлол дүүрэн дурлал, эсвэл учир нь олдохгүй том маргаан, дуулиантай салалтын алийг ч авчирч магадгүй. Ангараг, Тэнгэрийн Ван хоёрын хүчтэй нөлөөг эсэргүүцэхийн тулд хосууд хамтын зорилгынхоо тухай ярилцаж, харилцаагаа улам бат бөх, хүчирхэг болгох тал дээр анхаарах хэрэгтэй. Ажил хэргийн хувьд эхний 10 хоногт өнгөрсөн сар дуусгаагүй ажил чинь чамаас салахгүй. Их ч ажил, олон ч хүн, гэнэтийн үүрэг даалгавар, олон талын асуудлууд хэвээр оргино. Гэхдээ энэ удаад чамд хонгилын үзүүрт гэрэл харагдах болно. 3 сарын 12-ноос хойш ажил хэрэг чинь жигдэрч, чи урь амьсгаа авна. Хэдий чи хэсэг хугацаанд хөл толгой нь мэдэгдэхгүй их ажилд дарагдсан ч энэ бүхний эцэст чи сэтгэл хангалуун үлдэнэ. Хийсэн үйлийнхээ гавъяаг амсаж чи илүү дээр орчинд ажиллах юм уу, дуртай салбар хэлтэстээ томилогдож магадгүй. Энэ мэтчилэн сарын 3 дугаар долоо хоног сайхан өнгөрнө. Хүч хөдөлмөр зарцуулсан зүйл чинь чамд нэр хүндээс гадна мөнгө авчирна. Хэт их ачаалал чамайг стресстүүлэх ч, хувийн зохион байгуулалтандаа анхаарч эрүүл хооллоорой

 Хилэнц

2013 оны 3 сар хайр дурлал, хүсэл тачаалын хувьд “онцсайн” сар. Чиний эсрэг хүйстнээ урин дуудах төрөлхийн зөн, тачаангуй байдал, адал явдалд дурлагч чанар чинь од гаригсийн нөлөөгөөр их гарах нь. Амьдралаа зүүд болго. Энэ л үед чи хүнд амархан дурлаж, эсвэл өөрийнхөө огт мэддэггүй байсан секси талуудыг олж харах учраас шинэ харилцааг эхлүүлэхэд нэн таатай. Эсвэл хуучин харилцаагаа сэргээх, одоо байгаагаа шинэчилж ч болох юм. Энэ сарын эхний өдрүүдэд хамгийн огцом, ширүүн, юу ч болж мэдэх үе таарна. Харин 3 сарын 3 дах долоо хоногт эв найрамдал дүүрэн өдрүүд үргэлжилнэ. Хүүхдүүд, жирэмслэлт болон эцэг эхтэй холбоотой асуудлууд анхаарал татна. Ажил хэргийн хувьд нягт нямбай, гүйцэтгэл сайтай, гэсэн атлаа чангахан сар болох нь. Чамд эрч хүч амтагдах боловч, гэнэтийн өөрчлөлт, эргэлт санаандгүй бүтэлгүйтлийг авчирч болзошгүй. 3 сарын 12-ноос эхлэн зарим нэг асуудлууд ширүүн шийдэгдэж магадгүй. Тиймээс өөрийгөө мэргэжлийн тал дээр уян хатан байлга, эс тэгвэл бүх зүйл чиний хүссэнээр болохгүй байгаагаас чи бухимдаж мэднэ. Мөн юу ч болсон өөрийнхөө үндсэн зорилго чиглэлийг алдаж болохгүй, чамайг дэмжигчид эргэн тойронд чинь байгааг санаарай. Амар хялбар байна гэж бүү санаарай. Том саад тотгорын дээгүүр харайх хэрэг гарах байх шүү. Олон яаруу ажилтай нилээн завгүй сар болох нь. Гэхдээ санхүүгийн хувьд сайхан дохио ойрхон байна. Өөрийгөө түргэн зангаасаа болоод бэртээж гэмтээхэс болгоомжил. 

Нум
 Хайр дурлалын Бархасбадь гариг Нумын ордонд орж байгаа тул чиний амьдралд хэзээ ч хамаагүй романтик адал явдал тохиолдож магадгүй. Энэ гурван сард нумын ордныхонд дэргэдээ байгаа хүнтэй сэтгэлээ хуваалцах, хэн нэгнээр халамжлуулах хэрэгцээ их гарна. Тэд өөрсдийгөө танин мэдэхийн хажуугаар, хайртай хүнийхээ гараас хөтлөөд хорвоо дэлхийг, амьдралыг танин мэдэхийг хүснэ. Аль хэдийнэ зүрхнийхээ эзнийг олсон Нумынхны хувьд хаврын улирал шинэ соргог мэдрэмжийг авчирна. Харин одоо байгаа харилцаа чинь чамайг ядрааж, туйлдуулж байгаа бол 3 сар чамд эрх чөлөө, сэтгэлийн амар амгалан байдлыг амлаж байна. Гурван сарын эхний өдрүүд хосуудын хувьд бага зэрэг тэвдүү, эргэлзээгээр дүүрэн, таагүй өнгөрч мэднэ. Энэ нь анхаарал болгоомжгүй байдал, хойшлуулалт, зүрх сэтгэлийн хувьсал зэргээс шалтгаална. Гэхдээ ингэснээр өмнө нь шийдэлгүй орхисон асуудлыг нэг мөр болгох боломж нээгдэнэ. Харин сарын хоёрдугаар хагас хөл хөдөлгөөнтэй өрнөх нь. Ангараг гариг Нумын ордонд орсноор адал явдал, өөрчлөлт шинэчлэлт ирнэ. Ямар ч шалтгаангүйгээр эротик хүсэл оргилно. Чухал, гайхмаар үйл явдал гарцаагүй болно. Гурван сард байр орон сууц, компанийн хувьцаа газар гэх мэт өмч хөрөнгөнд сонирхол чинь татагдана. Мөн сарын эхэнд энэ төрлийн зүйлд хөрөнгө оруулахдаа гэрээ хэлцэлийн нөхцөлд сайн анхаарал хандуулвал эргээд чамд ашиг авчирах болно. Сарын эхэнд карьерын ахиц дэвшил удаашралтай, бага зэрэг бэрхшээлтэй байна. Гэр бүл, ойр дотныхон чинь чамд эд материалын болон сэтгэл санааны дэмжлэг үзүүлэхэд бэлэн байгааг сана. Харин сарын сүүлээр бүх зүйл эргээд хэвийн болж, чамд өөрийнхөө имижийг хамт олныхоо дунд өсгөх, авъяас билиг, бүтээлээ таниулах боломжууд нээгдэнэ. Энэ үеэр чиний уран бүтээлч сэтгэлгээ өснө. Биеийн тамир тэнхээ дээд зэргийн сайн байна. Спорт, бүжиг, аялал, сексийн хувьд гандан бууршгүй байна. Бие давхар нумууд болгоомжтой байгаарай

.

Матар

 Энэ сард та хайр дурлалын асуудалтай холбоотой олон зүйл шийдэх хэрэгтэй болно. Тодорхой бус байсан олон асуудлыг нэг тийш нь болгох цаг иржээ. Чамайг гэсэн хүмүүсээс аль нэгийг нь сонго. Ганц бие хосууд аялал, зугаалгаар явах үедээ хайрын адал явдалтай учрах магадлалтай. Энэ гуравдугаар сарыг хосуудын ойлголцлын сар гэж хэлэхэд болно. Гэхдээ үргэлж аз жаргалтай байна гэсэн үг биш юм. Сарын дунд хэсэгт та хоёрын хооронд үл ойлголцол, маргаан дэгдэх бололтой. Энэ үед ухаалаг цөөхөн үг оновчтой хариулт болно гэдгийг санаарай. Сарын гурав дахь долоо хоногт урьд өмнө баярлаж байгаагүйгээр их баярлах болно. Харин сарын хоёр дахь арав хоногт сексийн хувьд хамтрагчаасаа гайхалтай таашаал мэдрэх болно. Сарын сүүлээр сексийн хүсэл чинь хамгийн их байна. Ирж буй хаврын улирлаас матрынхан ихээхэн эрч хүч, таатай байдлыг мэдрэх болно. Ажил хэргийн харилцаанд түншээ зөв сонгох нь чухал. Энэ сард мэргэжлийн хувьд туршлага судалж, өөрийнхөө нөөц бололцоог нэмэгдүүлэхэд таатай. Чамд олон ашигтай амлалтууд ирэх боловч тэдгээрт итгэж яаравчлан шийд гаргах хэрэггүй. Одоогийнхоо байр сууринд ахиц дэвшил гаргахын тулд сарын эхэнд маш их энерги зарцуулах болно. Ямарваа зүйлд сэтгэл хөдлөлөөр хандах хэрэггүй. Ухаалаг, тэвчээртэй бай. Энэ сард санхүүгийн байдал сайн байх болно. Матрынхан бие махбодийн асар их нөөц бололцоотой хүмүүс байдаг. Тэд үүнийгээ төдийлөн ашиглаж чаддаггүй. Урьд нь бодож явсан сургалт дамжаа, дугуйлан секцдээ цаг гарган явах нь эрүүл мэнд болоод сэтгэл санаад тустай. 

Хумх

Хумхуудын хувьд романтик сар эхэлж байна. Энэ сард санхүүгийн хувьд ч, хайр сэтгэлийн хувьд ч асуудал харьцангуй байга байх нь. Хамтрагч чинь чамайг ойлгохыг хичээж байгаа тул тэвчээртэй байгаарай. Магадгүй бага зэргийн санхүүгийн асуудалд хайрт чинь туслах бололтой. Энэ нь чамд анхаарал тавьж буйн шинж учраас буруугаар ойлгох хэрэггүй. Энэ сард чиний анхаарал тавих зүйлд секс багтахгүй. Харин хайртыгаа өмнөхөөсөө бага зэрэг илүү халамжлаарай. Сонирхол хүслээ бусдаас нуух хэрэггүй. Санхүүгийн хувьд өнгөрсөн сараас илүү өсөх болно. Хойшлуулсан ажлуудаа бүгдийг нь хийж дуусга. Чи хийхгүй л бол мөнгө орж ирэхгүй гэдгийг санаарай. Мөнгө сайн орж ирэх ч тэр хэмжээгээр их зарлагадах ёстой гэсэн үг биш шүү. Энэ сарын 3 дахь долоо хоногт орлого хамгийн сайн байх болно. Энэ үед худалдаа наймаа хийвэл ашигтай, хямдралтай байна. Харин карьерийн хувьд удаанаар дээшлэх болно. Гэхдээ сэтгэлээр унах хэрэггүй. Ажиллах тусам ахиц дэвшил гардаг. 3-р сард чиний хувьд ирээдүйг ч өөрчилж мэдэх чухал шийдвэр гаргана. Тиймээс бодолтой байх нь зүйтэй. Чамд юу л байна, эрч хүч байна. Энэ их эрч хүчийг биеийн хэлбэр, эрүүл мэндээ сайжруулахад зарцуулах хэрэгтэй. 2013 оны 3 сарын 12-нд тайван байж, чухал шийдвэр гаргахгүй байхыг хичээгээрэй. Гэнэтийн осолд өртөж болзошгүй тул болгоомжтой байгаарай. 

Загас

Ямар гайхалтай сар вэ? Чи энэ сард бүх боломжийг гартаа атгаж байна. Чамд хүч чадал, өөртөө итгэлтэй байдал, ур чадвар, уран сэтгэмж бүх зүйл байна. Боломжийг бүү алд. Ямар ч ажлыг оролдож үзэхээс айх хэрэггүй. Учир нь од гариг чиний талд байна. Хэдийгээр сарын эхээр бага зэрэг үл ойлголцол, асуудал үүсч болзошгүй ч эсрэгээрээ чамд сайнаар нөлөөлөх магадлалтай. Байдал яаж ч байсан чамд эерэгээр шийдэгдэх бололтой. Сөрөг шийдлийн тухай бодох хэрэггүй. Бодол санаа үйлдлийг дагуулдаг. 1-12ний өдрүүдэд ажил хийх эрч хүч ихтэй, 13-21-нд романтик өдрүүд байх болно. Гуравдугаар сар чамд өгөөмөр хандах болно. Амлалтаа зөрчих хэрэггүй. Ирсэн боломжийг заавал ашигла. Сайхан санаа бүхнээ ажил хэрэг болгох хэрэгтэй. Гэр бүлийнхэн чинь чамайг ямар ч үед дэмжиж, туслах болно. тиймээс тэдний тусламжийг гуйхдаа нэрэлхэх хэрэггүй. Бага зэрэг мөнгөний асуудал гарч болзошгүй. Эрүүл мэндийн хувьд асуудалгүй. Бага зэрэг дархлаажуулаарай.